心的接觸

第一日開課

joannelovely — Sat, 05 Jul 2008 16:51:23 +0800

今日好熱呀, 一唔落雨就曬死, 太陽真係令我又愛又恨... 不過咁好太陽, o岩哂我用新的太陽眼鏡. 不過咁唔穩陣既天氣, 一係就落好大雨.

今日我係公司坐到1:30先走, 去到返學都2:15pm 度, 真係時間較得幾好, 如果我返工都較得咁好就好 lu.. 哈哈

miss 要我地大家逐個逐個介紹自己, 成班都有 37人, 都好多人wor, 坐係我隔離都幾o岩傾的, 大家一齊走 tim..... 不過唔知做 project / present 會唔會同番佢一齊呢. 呢 2 個半鐘都過得幾快. 中間有 2 個 break, 係唔係多左 d 呢......???

* 呢班得 2 個男仔, 又係好罕有的報讀呢個HR 既課程.

** 搵左成晚, 都搵唔番條白色裙, 係咪我其實無買到??? 反轉哂都搵唔到出黎.....

好開心.... 好開心

joannelovely — Wed, 02 Jul 2008 16:56:49 +0800

好開心呀, 真係無諗到呀.... 諗起都開心呀.....

阿媽話我知之後, 自己都掩唔住個嘴, 好開心!!!!

* 今日原來想 cancel yoga 的, 因為肚痛, 但一諗橫掂都要親身去 cancel, 所以都係玩埋去先走.

打牌

joannelovely — Tue, 01 Jul 2008 16:58:44 +0800

今日係回歸十一週年, 但已經無乜 function 黎慶祝, 有 d 平淡.

我地就約左 carol & jim 黎打牌, 打左 8 圈就唔打, 我仲可以打的.

起身睇波

joannelovely — Sun, 29 Jun 2008 17:00:51 +0800

今晚為左半夜起身睇波, 12點就訓左覺, 到2:30就起身, 不過呢場波都幾悶, 真係有 d 覺得做黎都無謂呀!!!

日有所思, 夜有所夢

joannelovely — Tue, 17 Jun 2008 11:30:22 +0800

點解成日發夢都係咁..... 唔通我真係 '日有所思, 夜有所夢'! 有時諗都唔知係好定唔好, 係報應??? 現實無左, 只可以係夢到搵番??? 但見到都好開心, 好多次都見到, 都唔明點解會咁!!!!! 夢醒了都會不停回味, 因為我唔想唔記得個夢. 有時真係想個夢唔好咁快醒, 但點知鬧鐘響, 要起身返工, 唔可以再發夢!

唔知幾時再夢見呢, 不過呢 d 唔真實的事, 我又覺得又勾番起我!!

自由的一個星期

joannelovely — Mon, 16 Jun 2008 11:41:41 +0800

由今日開始, 一個星期公司全世界都好 free, 因為老細去左杜拜, 如果接得成單 job, 公司又會派邊個去呢??? 不過我知 wilson 會自願去.

由於老細唔係度, 個個都好懶散, 我就係度入 nds 新 game, 但有 d game 玩唔到, 之後係討論區先知張 R4 要 upgrade 去 1.18, 開頭我都唔識整, 但慢慢研究就 ok, 不過就用左好多 office hour 時間去整, 所以最尾做做下野都8:00 先走, 返到屋企又落大雨, 真係日日都落雨既........

* 今日係 anna 在台灣最後一日, 唔知佢影相時有無落雨呢???

白走一趟

joannelovely — Sun, 15 Jun 2008 12:06:15 +0800

今日原本上 boxing 的, 點知個阿 sir 唔舒服, 我就唔上, 問下家姐去唔去炮台山睇衫, 因為琴日大家姐過o個間好平, d 衫係日本, 韓國, 意大利衫, 我地都覺幾吸引, 就今日走去睇, 點知無開, 食完個 tea 睇下佢開唔開, 都係無開, 都幾灰o架, 話哂都係特登去睇的, 咁家姐帶我去買平碟 (台劇, 韓劇, 日劇), 我都買左1 隻, 唔知好唔好笑呢.

之後再搭丁丁去西灣河, 佢帶我去買同花園街一樣但平一半既鞋, 我地都一人一對, 不過其實我都無必要要買, 但心諗過左黎都唔想白手返屋企, 眼見對鞋都係 $39, 都唔諗就買, 又平又靚又舒服.

之後大家就搭唔同車返去. 我就幫佢入貨, 一個人law 7 袋惠康袋, 勁呀, 因為我買左好多野飲呀!!!! 其實買時都怕自己 law唔到.

今晚我打 nds 又打到 3 點幾都唔想停, 訓時個腸先痛, 痛到訓唔到, 係廁所搞到3 個字多!!! 真係痛死我!

變形俠衣

joannelovely — Sat, 14 Jun 2008 12:01:16 +0800

今日早食父親節飯, 我 book 左九龍 - 金寶食泰國野, 呢間原來一條街有 3 間, 真係好多人去食, 我都係求其係 openrice 揀的, 除左個蝦丸之外, 其他都無咩好食, 可能我無謂口想食泰國野.

同大家姐一家出去搵佢 law 眼鏡, 之後就走番玩具公司 (佢每日都會去睇鋪的, 真係唔知話佢好定唔好), 唔臨急都唔會走人的, 因為我地睇11:30 戲. 我見佢係度整玩具野, 好彩我都帶左 nds 玩.

今晚套戲, 好好睇呀, 不過中間有 d 光太勁, 我開唔眼睇, 仲睇到流眼水呀.....

睇完食埋個唔好食既糖水, 不過好大雨呀!!!

玩具之眼

joannelovely — Sat, 07 Jun 2008 11:47:10 +0800

今日經我大姐夫睇, 就話今日係好日, 佢就定左今日開張, 點知一起身就黑雨, 我就咁賺多一日假期. 不過後尾都無黑雨, 真係水為財呀!!! 間鋪叫 '玩具之眼' Toy's Eyes.

今日都有4-5 個花籃, 個個都幾靚, 好多 friend 都黎左, 咁多人係度都做唔到生意呢.... 所以我地走哂先有人黎買野.

最搞笑係連人地送既monchichi 扮招財貓既賀禮都被人買埋, 真係笑死我!!! 今日生意都好好, 繼續努力.

我同阿媽, 家姐就過左去大家要度, 話食佢既新屋入伙飯 wor, 打完牌先食, 食完再打, 佢都過埋黎, 我地 give up 唔睇戲 (買左飛), 佢落場同屋企人打牌, 打完都點幾,又係無車走,要等通宵車.

show 哂 d 公仔

joannelovely — Thu, 05 Jun 2008 11:57:34 +0800

今晚佢地 law 哂 d 貨上架, o華, 真係好多貨呀, 結果有排整, 又係成 4點幾先整好. 不過見到佢將 d 公司擺個 post時, 佢地又好與奮的, 不過我就累到已坐係出面走廊既地下. 真係又熱又累 (o個度已經 close 左中央冷氣). 唔知同場其他鋪頭會唔會被嚇一跳呢???

報名讀書

joannelovely — Wed, 04 Jun 2008 12:14:18 +0800

已經睇中左好耐既 course, 我真係怕無位, 所以拖到今日先肯去報名, 其實有幾個 centre 已經 full 左, 所以我都要快 d 報. 我去左尖沙咀報, 都係尖沙咀讀, 真係成日都係尖沙咀, 因為我做 yoga, boxing 都係尖沙咀.

呢個 course 係 hr management, 10 堂, 每堂 2.5鐘, 我報左星期六下午上堂. 希望時間快 d 過. 我想 law 多張 cert. 多謝阿 yan 介紹呢個 course 比我, 真係 thank you 你呀!!! 你都要比心機上堂呀!!!

今日上 yoga balance, 我覺得 d 動作好難呀.........

幫手到通宵

joannelovely — Mon, 02 Jun 2008 11:53:20 +0800

今日放工就幫手整佢鋪頭既野, 所以連 candy 生日飯都去唔到.

第一日要整野, 當然要拜 4 角, 我一個人睇完鋪頭既香燭, 佢地 3 個落樓燒街衣, 成個商場熄左 d 燈, 得我一個, 都幾恐怖, 因為自己聽得鬼故, 又胡思亂想!!!!

今晚要油油, 痴牆紙, 真係整左好耐呀!!!

咁夜先訓, 聽日都係唔返工了, 因為佢話聽日有人黎送櫃, 整地毯, 無人係度, 我無所謂啦, 打一個電話就可以請假.

他的意志力很強

joannelovely — Mon, 19 May 2008 13:56:58 +0800

今日我係新聞報導睇到一個晝面, 覺得好可惜. 一個被埋下瓦礫下的一個男人, 要求死之前打個電話比自己的妻子, 呢一刻好感動, 成個過程被拍下來, 每一句都係肺腑之言, 拯救人員用左 3 個鐘去救他, 可惜救出來反而越來越脆弱, 到最後都死去, 身邊的拯救人員大叫他不要死, 要他知道他的妻子及未出世的 bb 在等佢, 但最尾都係不醒. 呢一幕只在戲中見到的情影, 今次係發生在現賁, 自己親眼親耳見到聽到, 覺得很可惜, 他的意志很頑強, 撐了咁多日還有一口氣向家人報平安.

另外有去拯救的人被塌下來的山泥埋沒, 真係令這件事雪上加霜, 希望能夠盡快順利去完成拯救, 希望疫情不要發生. 希望再有奇蹟發生.

咁多人寫的祝福, 盼上天能夠知道.

希望有用

joannelovely — Sun, 18 May 2008 14:12:52 +0800

今日同 anna 做完 yoga combant, 就去左旺角買野, 因為佢要做伴娘. 先去左買條 tie, 呢隻色都幾難搵, 好彩都搵到, 不過我越來越唔多鍾意旺角 sales, 好多都比我感覺問一問摸一摸就要人買咁. 唔知最尾買左呢條o岩唔o岩呂生呢....

anna 都買到個銀白色小袋仔, 呢個袋都幾靚呀, 平時去街都用得呀, 只要著得 lady d 咪用到 (可以著埋你自己有既白色鞋), 有時轉一轉個 look 就可以用到買番黎既野.

我自己都買到白色涼鞋, 出奇地試上去覺得好睇, 就買左一對, 但我都好想搵多一對黑色的.

行完街, 好累呀... 一訓訓到 9:30, 起身獎門人.

- 今日一早起身同家姐阿姨唱 k, 真係 grazy. 不過新之城有個態度奇差既服務生被我地投訴, 因為佢黑面, 又十問九唔答既行為, 令到我地火滾.

512 大地震

joannelovely — Mon, 12 May 2008 13:39:09 +0800

今日發生左難以接受的事實 - 7.8級大地震. 真係令人心酸、激動, 呢件事黎得太突然, 令人防不勝防, 死亡人數很多, 好多都係小朋友, 眼見好多被活埋的人, 只露出手手腳腳的傷者, 我諗佢地可能已經奄奄一息. 呢 d 咁可怕的圖片, 真係令我很心痛.

之前讀唐山大地震, 都沒有咁大的感受, 但今次地震的破壞力直接震撼每個人的心, 不同國家的人都連左一起, 但若要發生這些悲慘的事而換來大家的齊心, 我不想再見到.

眼見前線救人的人, 真的很令我敬佩, 他們的偉大行為, 不理自己的安全、溫飽、疲累, 日而繼夜去搶救傷者, 見到很多只靠雙手去搬開瓦礫的人, 我相信他們焦急的心情會比我地更無奈, 因為眼見時間一分一秒過去, 但巨大的石頭怎能搬開, 埋在石下的人怎辦呢??? 唉!!!

溫家寶今次的行為, 令我覺得他原來也很親民, 抱一抱小朋友, 摸一摸他們的頭, 也比我感受到他對災民的愛.

希望四川的災民堅強地生活下去, 快些重建家園. 希望我地捐給他們的物資及金錢, 真的能交給他們, 不要從中有人 '落格'.